Bedeutung Chnuppesager

Chnuppesager – einer, der endlos nörgelt

Zu Chnuppesager schteit im Bäärndütsche Wörterbuech:
Langweiler, der endlos am Gleichen herumnörgelt und nie an ein Ende kommt. Dr Usdruck Chnuppesager cha me o bruuche fürn e Gizgnäpper.

Das zämegsetzte Wort isch eidütig e biudlechen Usdruck, u zwaar dütet dr zwöit Teeu vom Wort,
nämmlech -saager drufhii, das es mit Houz z tüe het. E Saager isch eine, wo saaget.
U zwaar saaget er äbe nid guets Houz, er saaget a Chnuppe desume, a herten Aschtuswüchs oder
angerne herte Verwachsige. Wo me no mit dr gwöönleche Saagi gsaaget het, si settegi herti Verwachsige
gnietig z saage gsii u mi isch fasch nid an es Ändi choo dermit. Vilech chunt d Bedütig «Gizgnäpper» vo
dahäär das dr Chnuppesager lieber müesam biuuegi Chnuppe versaget weder guets Houz, wo haut e chli tüürer isch.